Сучасныя яслі-сад больш чым на 80 месцаў адкрылі ў Гомелі напярэдадні Дня ведаў

Для дзяцей закупілі новую мэблю і гульнявое абсталяванне, сучасную апаратуру для заняткаў музыкай. На тэрыторыі абсталявалі спецыяльную зону для навучання дзяцей правілам дарожнага руху. Сачыць за бяспекай дапаможа сістэма відэаназірання. Кіраўніцтва горада таксама перадало ўстанове грашовы сертыфікат на закупку спартыўнага інвентару. Дарэчы, з адкрыццём ясляў-сада ў горадзе з'явілася 30 новых рабочых месцаў.

Усяго ў Гомелі працуюць 129 дашкольных устаноў. У новым навучальным годзе іх выхаванцамі стануць больш  за 24 тысячы дзяцей.