Напярэдадні амаль два дзясяткі дыктараў, журналістаў, рэжысёраў, аператараў ізноў апынуліся ў цэнтры тэлевізійнага жыцця. Юбілей даў магчымасць яшчэ раз успомніць інфармацыйныя будні і ў цэлым гісторыю развіцця тэлебачання. Савет ветэранаў зараз налічвае амаль 600 былых працаўнікоў радыё і тэлебачання.
Генадзь Давыдзька, Старшыня Белтэлерадыёкампаніі: "Мы зараз валодаем новымі тэхналогіямі, аб якіх, можа быць, і не марылі тыя людзі, якіх мы лічым залатым пакаленнем, пакаленнем, якое рабіла і стварала тое тэлебачанне і радыё, у якім мы зараз працуем. Але яны валодалі больш жывым эфірам. У іх вельмі высокая патрабавальнасць. Яны вельмі хвалююцца за стан краіны і роднага прадпрыемства. Мы павінны адпавядаць".
Дзмітрый Марчанка, старшыня Савета ветэранаў Белтэлерадыёкампаніі: "Усё тое, што было зроблена намі за гэтыя гады, не толькі паказвалася жыхарам Беларусі і другіх рэспублік Савецкага Саюза, але і было пакінута ў фондзе Беларускага радыё і Беларускага тэлебачання. І цяпер многае з гэтых фондаў выкарыстоўваецца. Я думаю, што мы павінны выказаць удзячнасць тым ветэранам, што працавалі раней і якія стварылі надзейны падмурак для радыё і тэлебачання".
Дзмітрый Марчанка ўзначальвае савет ветэранаў каля дваццаці гадоў. Прафесійную кар'еру пачынаў у якасці журналіста. У пачатку тыдня Дзмітрый Марчанка адзначыў 91 дзень нараджэння.