У Беларусі адным з цэнтраў вадохрышчанскіх ныранняў стала Цнянскае вадасховішча. Па традыцыі тут апусціліся ў ваду і супрацоўнікі МНС, для якіх старажытны абрад стаў прафесійнай традыцыяй.
Падрабязнасці ў Карыны Пашковай.
Адразу пасля агульнай малітвы над купеллю і апускання ў яе першыя смельчакі тройчы акунуліся ў ледзяную ваду. Некаторыя здолелі нават праплысці.
Аднымі з першых ля палонкі былі ратавальнікі. Напярэдадні іх прафесійнага свята гэты абрад стаў ужо традыцыяй. Сотні супрацоўнікаў МНС ачысціліся, як яны гэта называюць, праз акунанне ў ваду.
Лічыцца, што на вадохрышчанскую Куццю звычайная вада ператвараецца і можа вылечваць любыя хваробы. Спецыяльныя купелі называюць яшчэ іарданямі - у гонар ракі Іардан, дзе, паводле падання, адбылося хрышчэнне Ісуса Хрыста.
Протаіерэй Яўген Свідэрскі, клірык Мінскага кафедральнага Свята-Духава сабора: "Ёсць традыцыя па прыкладзе Збавіцеля акунацца ў ваду. Для нашых шырот гэта подзвіг. Да яго гатовыя не ўсе. Трэба прыслухацца да рэкамендацый урачоў, каб для сябе зрабіць выснову, трэба ці не".
У Беларусі адным з цэнтраў вадохрышчанскіх ныранняў стала Цнянскае вадасховішча. Там сабраліся не толькі прафесійныя маржы, але і тыя, хто вырашыў упершыню далучыцца да праваслаўнага звычаю.
Нягледзячы на ўсеагульнае перакананне ў тым, што паглыбленне ў халодную ваду вылечыць ад усіх хвароб і прастудзіцца немагчыма, ля кожнага вадаёма дзяжураць ратавальнікі. А палявыя кухні прапануюць усім ахвотнікам гарачы чай і каву.
Тыя, хто яшчэ не паспеў правесці абрад, могуць зрабіць гэта сёння. Месцы для купання будуць адкрытыя ўвесь дзень.
