Сёння на крытым катку каля Палаца спорту адбыўся баль-маскарад для сяброў і партнёраў дырэкцыі II Еўрапейскіх гульняў 2019 года.
Пасол Еўрапейскіх гульняў у вобразе кошкі. Дар'я Домрачава сёння змяніла звыклыя лыжы і вінтоўку на канькі. Кіраваў балем у кампаніі будучых валанцёраў Гульняў талісман будучага форуму лісянё Лесік.
Упершыню гледачы ўбачылі на лёдзе і беларускага прадстаўніка на дзіцячым "Еўрабачанні" ў Мінску Даніэля Ястрэмскага. Чакаецца, што юны выканавец возьме ўдзел у эстафеце агню "Полымя міру", старт якой аб'явяць 3 мая ў Рыме.
Да старту міжнароднага мультыспартыўнага форуму ў Мінску засталося 158 дзён.
