Сёння адбылося ўрачыстае гашэнне імянных марак Максіма Мірнага і Вікторыі Азаранкі

14 Жніўня 2013

Урачыстае гашэнне імянных марак Максіма Мірнага і Вікторыі Азаранкі сёння прайшло ў Рэспубліканскім цэнтры тэніса. Гэтую цырымонію правялі юныя беларускія тэнісісты, якія ўзялі серабро на самым прэстыжным еўрапейскім камандным турніры - летнім Кубку Еўропы. Маркі з адлюстраваннем Максіма Мірнага і Вікторыі Азаранкі паступаюць у абарачэнне з сённяшняга дня. Як прызнаўся бацька Максіма Мікалай Мірны, гэта яшчэ адна падстава гонару за сына.


На кортах Рэспубліканскага цэнтра тэніса сёння працягваецца прафесійны турнір серыі Ф'ючэрс, у якім бяруць удзел спартсмены, што ўваходзяць у тысячу сусветнага рэйтынгу. Сярод іх адзін з лідараў нацыянальнай зборнай Беларусі Ягор Герасімаў.