Аўтарытэт супрацоўніка ўнутраных спраў трэба павышаць. Такое меркаванне выказаў міністр унутраных спраў Ігар Шуневіч на пасяджэнні грамадскага савета пры МУС. За час працы структуры разгледжаныя шматлікія актуальныя пытанні, якія хвалююць грамадства. Сёння асаблівая ўвага - барацьбе з кіберзлачыннасцю.
Ігар Шуневіч, Міністр унутраных спраў Беларусі: "Сёлета мы назіраем вызначаны рост злачынстваў супраць палавой недатыкальнасці ў дачыненні да непаўналетніх з выкарыстаннем у тым ліку камп'ютарнай сеткі Інтэрнэт, гэта рост парнаграфіі і іншых злачынстваў. Гэта нас вельмі турбуе, і сёння вельмі сур'ёзна думаем над прэвенцыяй такіх злачынстваў і павялічваем сваю прысутнасць з пункта погляду магчымасцяў кіберразведкі і гэтак далей для больш эфектыўнай працы ў выяўленні такіх выпадкаў".
Сёння адбылося першае пасяджэнне грамадскага савета пры МУС у новым складзе. Абраны новы кіраўнік - Павел Якубовіч. Ганаровым старшынёй грамадскага савета абраны папярэдні старшыня Генадзь Давыдзька. На ранейшай пасадзе ён знаходзіўся з моманту стварэння савета і ўнёс значны асабісты ўклад у яго станаўленне і развіццё.
Генадзь Давыдзька, Старшыня Белтэлерадыёкампаніі: "Тое, што я складаю паўнамоцтвы старшыні грамадскага савета пры Міністэрстве ўнутраных спраў, гэта ніяк не гаворыць пра тое, што я перастаю сябраваць з тымі людзьмі, якія носяць пагоны і якія служаць Бацькаўшчыне. МУС вельмі адкрытыя насамрэч структуры для звароту грамадзян. Я як грамадзянін маю поўнае права ўплываць на ўдасканаленне гэтай структуры".
У склад грамадскага савета пры МУС уваходзяць прадстаўнікі айчыннай навукі і культуры, медыяперсоны і кіраўнікі найбуйнейшых прадпрыемстваў. Савет з'яўляецца пасярэднікам паміж міліцыяй і народам, а таксама даносіць асноўныя праблемы і просьбы грамадскасці да праваахоўнікаў.
