Сталічныя вытворцы марожанага натхніліся спартыўнай тэмай. Салодкі футбольны мяч змогуць пакаштаваць госці чэмпіянату свету па футболе, які пройдзе ўлетку ў Расіі. Першыя партыі ўжо адгружаны. Пламбір незвычайнай формы, магчыма, з'явіцца ў продажы і ў Мінску. Пакуль жа футбольны дэсерт - сапраўдны інтэрнэт-хіт.
На гэтым прадпрыемстве штодня выпускаюць да 40 тон салодкага прадукту. Наш пламбір, фруктовы лёд і эскімо даспадобы таксама ў Расіі і Азербайджане. Неўзабаве беларускае марожанае з'явіцца і ў магазінах Ізраіля.
