Юлія Токар даведалася ў аматара, якім будзе гэта лета? Кожная старонка асабістага метэачасопіса выразна разбіта на поры года, месяцы. Усе запісы ад рукі – так больш надзейна. Каб і праз дзесяцігоддзі прасачыць анамальныя з'явы. Іван МІснік - чалавек з трыма тэхнічнымі адукацыямі - за надвор'ем назіраў яшчэ з дзяцінства. Спачатку вызначаў з дапамогай народных прыкмет, а пасля стаў аналізаваць. Напрыклад, калі Вялікдзень ранні, тады і вясна паспяшаецца. Але ж і сёння ад сваіх лайфхакаў не адмаўляецца. А для дакладных прагнозаў на суткі ў кішэні народнага сіноптыка заўсёды барометр.
Штодзень у пяць гадзін раніцы і а шостай вечара Іван Барысавіч фіксуе паказанні тэрмометра
Гэта самая нізкая і самая высокая тэмпературы за дзень. Плюс, улічваючы паказанні барометра і прыродныя з'явы, дае сезонныя і нават паўгадавыя прагнозы. Тыя ж дачнікі вельмі ўдзячныя. З прыродных катаклізмаў больш за ўсё перажывае за маланкі. Сёлета прагназуе іх напрыканцы ліпеня - у першай дэкадзе жніўня. Таму загадзя дае парады.
За 40 гадоў назірання гэты май сіноптык называе ўжо самым халодным
Кажа, што і чэрвень спачатку не парадуе. Сапраўднае лета прыйдзе ў ліпені – паветра прагрэецца да плюс 30.
Дзе быў больш дакладны прагноз: у інтэрнэце ці ад народнага сіноптыка, мы праверым зусім хутка. Але ж трэба адзначыць, што падлікам Івана Місніка кліматолагі даюць адзнаку дакладнасці мінімум на 80%.
