Пра што думаюць сучасныя жанчыны? Ужо заўтра праект "Дзень у вялікім горадзе" наладзіць “перазагрузку” на "Беларусь 1". Шоу вяртаецца на экраны пасля творчай паўзы. Праект змяняе час выхаду. Замест дзённага эфіру абмяркоўваць актуальныя для прыгожай паловы пытанні будуць у ранішнім. Аўтарская каманда не толькі абнавіла кантэнт унутры праграм, але і падрыхтавала для гледачоў новае студыйнае афармленне. Пашыраюць і састаў вядучых, а значыць, убачым на экране новыя твары.
Саша Снегіна, кіраўнік і шэф-рэдактар праекта "Дзень у вялікім горадзе". "Перазагрузка": " Нам, вядома, жадалася пабачыцца з нашымі гледачамі. Мы паўгода не былі ў эфіры. У абноўленай версіі праекта я ганаруся тым, што ў гэтай студыі вельмі камфортна, у гэтай студыі ёсць мора магчымасцяў для цікавай падачы інфармацыі, для цікавых планаў. Мы пачнём з малога, але тое, што магчымасці і мабільнасць студыі нам дазваляе ўсё-такі рабіць іншы малюначак, вось гэта, пэўна, найважнейшая заслуга".
Гадзінны прамы эфір парадуе гледачоў інтэрактывамі і розыгрышамі прызоў. Вы самі можаце прапаноўваць тэмы, пра якія будуць гаварыць у ток-шоу. І такім чынам стаць сарэдактарамі і героямі "Дзень у вялікім горадзе". Першы выпуск "перазагрузкі" ацэнім заўтра ў 10:50.
Шоу "Дзень у вялікім горадзе" вяртаецца на экраны
20 января 2020