14 кілаграмаў вагі і толькі беларускі шакалад, марцыпаны і харчовыя фарбавальнікі. Шакаладную копію гомельскага палаца выканаў украінскі шакалацье Мікалай Папоў. Маштаб мініятурнай копіі Палаца Румянцавых і Паскевічаў - адзін да 67. На стварэнне гэтага аб'екта кандытару спатрэбіўся прыкладна месяц. З шакаладам майстар працуе ўжо 20 гадоў, у Беларусі выкарыстоўвае толькі мясцовую прадукцыю. Шакаладны палац разам з іншымі экспанатамі ў памяшканні са спецыяльнымі кліматычнымі параметрамі, дзе будзе падтрымлівацца тэмпература не вышэй за плюс 20 градусаў. Гэта ўжо не першы беларускі праект Мікалая Папова. У жніўні майстар узнавіў гродзенскі Новы замак у маштабе прыкладна 1х100. На копію летняй рэзідэнцыі каралёў Рэчы Паспалітай пайшло 15 кілаграмаў чорнага і белага шакаладу, а таксама марцыпаны. А ужо ў наступным годзе запланавана маштабнае будаўніцтва у Мірскім замку. Там з'явіцца шакаладны пакой, на яе інтэр'еры будзе выдзелена больш за тону шакаладу.
Акрамя прэзентацыі, у Палацы Румянцавых і Паскевічаў быў арганізаваны эксклюзіўны майстар-клас для выхаванцаў Улукаўскай дапаможнай школы-інтэрната. Майстар паказаў дзецям, як з шакаладу і марцыпану рабіць аб'ёмныя фігуркі. Салодкія экспанаты ўласнай вытворчасці дзеці забралі з сабой.
