Школа - як другі дом: гэты ходкі выраз стаў літаральным для жыхароў Ліпецкай вобласці, якія пераехалі ў Беларусь. Сваё кватэрнае пытанне яны вырашылі, купіўшы на аўкцыёне ў Петрыкаўскім раёне будынак былой школы. 500 квадратных метраў абышліся некалькі базавых велічынь. І з часам стануць сапраўднай сядзібай для вялікай сям'і. Пра незвычайны вопыт - Вольга Халадовіч.
Былая настаўніцкая - зараз швейнае міні-атэлье. Тут Вольга Шавырава стварае ўтульнасць для будучага дома. Школу ў вёсцы Міхедавічы плошчай 500 квадратных метраў з сям'ёй купіла на аўкцыёне за некалькі базавых велічынь. Гаспадыня ўпэўненая, з былой сельскай школы атрымаецца сапраўдная сямейная сядзіба.
Сям'я Шавыравых у Беларусь пераехала з Ліпецкай вобласці Расіі. Урачы параілі Вользе змяніць клімат. Выбралі Палескую глыбінку. Пакуль муж на працы, яна афармляе дакументы і прападае на сайтах па дызайне. Руская печ, камін, паркет і новыя шпалеры Вольга дзеліцца планамі пераўтварэння навучальных класаў у жылыя пакоі. У кабінеце фізікі, напрыклад, будзе спальня.
Сёе-тое ў былой школе застанецца без змен. Напрыклад, вось гэтая таблічка на фасадзе. Тут падчас Вялікай Айчыннай дыслакавалася 130-я Петрыкаўская партызанская брыгада. А гэта ўжо гісторыя, гавораць гаспадары.
Былы настаўнік працы, а зараз старшыня мясцовага сельсавета, у палацы Шавыравых - часты госць. Сяргей Харланаў прапрацаваў тут 20 гадоў. Пасля таго, як зачынілі школу і дзяцей перавялі ў суседнюю, дапамагае новым гаспадарам асвойваць жылплошчу.