Iнфраструктура для гадаванцаў. Догвокеры, догсітары (ці iншымі словамі нянькі для сабак) у Мінску становяцца ўсё больш папулярнымі. Гэта аматары жывёл, якія дапамагаюць гаспадарам у іх адсутнасці сачыць за гадаванцамі. Працаваць можна як у рэжыме фрыланс, так і стаць часткай каманды, прайсці сумоўе і ўладкавацца ў агенцтва. Плюсы ў гібкім графіку і пазітыўных эмоцыях.
А яшчэ ў Мінску з сабакамі ходзяць у дог-фрэндлі кафэ - іх у сталіцы ўжо восем. А ў новых экспартных электробусах беларускай вытворчасці з'явілася брытанская фішка - у салонах ёсць спецыяльная пляцоўка для свойскіх гадаванцаў. Верагодна, хутка такія дог-месцы можна будзе ўбачыць і ў нашым транспарце.