Сэрвісы анлайн-запазычання і лізінгавай дзейнасці будуць развіваць у Беларусі. Адпаведны ўказ напярэдадні падпісаў Прэзідэнт. Дакумент прадугледжвае стварэнне альтэрнатыў банкаўскім механізмам для прыцягнення і прадастаўлення грашовых сродкаў як фізічным, так і юрыдычным асобам. Для гэтага будзе створаны сайт у сетцы Інтэрнэт або праграмнае забеспячэнне, з дапамогай якога будуць заключацца крэдытныя дагаворы.
Дакумент уступае ў сілу праз паўгода, яго асноўныя задачы - спрыяць павышэнню даступнасці фінансавых паслуг, развіваць прадпрымальніцтва і дзелавую ініцыятыву.
Сэрвісы анлайн-запазычання з'явяцца ў Беларусі
27 мая 2021













