Заканатворчасць, пытанні міжнароднага супрацоўніцтва і павышэнне даступнасці сацыяльных паслуг. Сёння адбылося пасяджэнне 11-й сесіі Савета Рэспублікі.
Быў прыняты шэраг законапраектаў. Адзін з іх - пра бюджэт дзяржаўнага пазабюджэтнага Фонду сацабароны на будучы год. Новаўвядзенні датычацца выплат па лістах непрацаздольнасці. Як адзначылі сенатары, мяркуецца выплата 100 % заработнай платы асобам, якія маюць працоўны стаж больш за 10 гадоў. Таксама Фонд сацабароны пралічвае магчымасць павелічэння пенсій па выніках за год на 15 %.
Сенатары адобрылі законапраект аб ратыфікацыі мемарандума аб уступленні Беларусі ў Шанхайскую арганізацыю супрацоўніцтва. Ён змяшчае абавязацельствы нашай краіны аб атрыманні статусу дзяржавы - члена арганізацыі. Навацыі будуць і ў законапраекце "Аб асновах адміністрацыйных працэдур". Яны накіраваны на інтэграванне ў грамадскае жыццё працэсаў лічбавізацыі.