Надзея Сербіненка даведалася, як ствараецца прагноз надвор'я.
Прагноз надвор'я - гэта навукова абгрунтаванае меркаванне аб развіцці атмасферных працэсаў. Гэта значыць, што ўжо ў слове прагноз ёсць пэўная доля памылкі. І чым большы тэрмін разлікаў, тым большы працэнт памылкі. Таму прагноз на суткі апраўдваецца на 95 працэнтаў, а на месяц - усяго на 70.
Мінімізаваць шкоду і, самае галоўнае, пазбегнуць чалавечых ахвяр у сілах сіноптыкаў. Таму кругласутачна тут працуюць двое дзяжурных, якія сочаць за ўсімі прыборамі. А іх амаль дваццаць.
Скласці прагноз дапамагае сінаптычная карта. У яе стварэнні калектыўна прымае ўдзел ўвесь свет.
Сінаптычная карта - гэта звычайная геаграфічная карта са звесткамі пра надвор'е ў рэальным часе. Для лепшага візуальнага ўспрымання сіноптыкі кожныя тры гадзіны расфарбоўваюць карту. Зялёным колерам звычайна абазначаюць ападкі, жоўтым - туман, чырвоным - цёплы атмасферны фронт, а сінім - халодны.
Пасля таго як сіноптык прагледзеў, прааналізаваў, супаставіў увесь матэрыял, ён нарэшце стварае прагноз надвор'я.
Калі ў суседняй краіне назіраюцца небяспечныя з'явы, нашы сіноптыкі першымі даведаюцца пра гэта ад калег з-за мяжы. А гэта значыць, што і жыхары цэнтральнага рэгіёна наконт форс-мажораў ад нябеснай канцылярыі будуць папярэджаныя своечасова.
