Сёння выходзіць спецыяльны выпуск газеты "СБ-Беларусь сегодня", прысвечаны ўсім, хто стаіць на варце закона і парадку. Прымеркаваны ён да Дня міліцыі. На першы погляд, стандартная газетная форма ў чатыры паласы сёлета мае асаблівасць - журналісты распавядаюць пра ролю служыцеляў закона. Ад выкрыццяў праціўнікаў МУС да аналітыкі сучасных пагроз. Чакаюць чытачоў і разважанні над падзеямі, што адбыліся ва Украіне. Як адзначылі ў рэдакцыі, журналісты выдання ўжо даўно супрацоўнічаюць з беларускай міліцыяй. Аднак спецвыпуск менавіта ў такім кантэксце і такой накіраванасці выходзіць упершыню.
