Іх утылізавалі метадам халоднай дэтанацыі ў спецыяльнай бранякамеры. Пасля ўсе адходы перапрацоўваюцца да бяспечнага для экалогіі стану. Такія міны прымянялі савецкія войскі ў Афганістане. Іх магутнасць адносна невялікая, каля 30 грамаў у тратылавым эквіваленце. Сёння былі ўтылізаваны 78 апошніх проціпяхотных мін.
Андрэй Куракоў, начальнік інжынерных войскаў УС - начальнік упраўлення інжынерных войскаў генштаба УС Беларусі: "Дадзены тып боепрыпасаў, тэрмін захоўвання якіх быў вызначаны 10 гадоў вытворцам, даўно мінуў. Таму яны, зразумела, ужо не адказвалі патрабаванням бяспекі з іх абыходжаннем. Што тычыцца выбухованебяспечных прадметаў, якімі займаюцца Узброеныя сілы, унутраныя войскі, то гэта каля 20 тысяч боепрыпасаў за год, якія, як правіла, знішчаюцца ў месцы іх выяўлення".
Андрэа Віктарын, кіраўнік прадстаўніцтва ЕС у Беларусі: "Па-першае, ЕС вельмі зацікаўлены ў знішчэнні і забароне проціпяхотных мін. І таму для нас гэта вельмі важны праект. Мы падтрымліваем тое, што Беларусь далучылася да Атаўскай канвенцыі. І сёння выдатны дзень, штораз, калі знішчаюцца міны, гэта выдатна. І для мяне гэта вельмі важна".
У Беларусі з часоў Савецкага Саюза заставаліся прыкладна тры з паловай мільёны такіх мін. Таму ў 2004 наша краіна далучылася да Канвенцыі аб забароне прымянення, назапашвання запасаў, вытворчасці і перадачы проціпяхотных мін і аб іх знішчэнні. З гэтай мэтай быў рэалізаваны сумесны праект Беларусі і Еўрасаюза. Яго кошт - 4 мільёны еўра. І зараз наша краіна цалкам выканала міжнародныя абавязацельствы.
