Прадстаўнікі вядучых рэлігійных канфесій Беларусі (у нас іх зарэгістравана 25) сабраліся сёння на чарговае планавае пасяджэнне кансультатыўнага міжканфесійнага савета пры ўпаўнаважаным па справах рэлігій і нацыянальнасцяў. Савет створаны 7 гадоў таму. Кіраўнікі рэлігійных аб'яднанняў абмяркоўваюць надзённыя пытанні, якія маюць дзяржаўнае значэнне і датычацца людзей розных веравызнанняў. Паводле традыцыі, сярод удзельнікаў такіх сустрэч прадстаўнікі міністэрстваў інфармацыі, адукацыі, аховы здароўя.
Галоўнае пытанне сустрэчы сённяшняй - развіццё рэлігійнага турызму. Беларусь багатая на храмы і манастыры - старажытныя помнікі нацыянальнай гісторыі, культуры і архітэктуры. Уключэнне культавых устаноў у папулярныя турыстычныя маршруты і ўдзел святароў у экскурсіях па цэрквах, касцёлах і іншых святых месцах нашай зямлі стала цэнтрам абмеркавання ўсіх, хто сабраўся.