Сёння ў Беларусь прыбудзе Віфлеемскі агонь

Па традыцыі перад Раством святое полымя разыходзіцца па царкоўных прыходах усяго свету. Яго даставяць на беларуска-польскую мяжу і ўрачыста перададуць у Кафедральны касцёл Святога Францыска Ксаверыя ў Гродне. У сталіцу ў Архікафедральны сабор Прасвятой Дзевы Марыі Віфлеемскі агонь прыбудзе заўтра. Сёлета лампады ў касцёлах Беларусі запаляцца жыватворным агнём да 23 снежня.