Менавіта ў гэты дзень асабліва строгі пост, а ў цэрквах з алтара выносяць плашчаніцу з выявай Хрыста. Велікодны перыяд – гэта яшчэ і час міласэрнасці. Самыя маленькія вернікі рыхтуюць тэматычныя сувеніры і батлеечныя спектаклі.
Больш падрабязна - Аляксандра Драгун. Гэта менавіта той спектакль, дзе важны не вонкавы выгляд артыстаў, а голас, інтанацыя, выразнасць. Акцёры застаюцца за дзвярыма батлеечнай сцэны - адтуль і агучваюць сваіх персанажаў.
11-гадовая Даша Цішкова ўтульна адчувае сябе ў ролі хітрай лісіцы ў батлеечным тэатры. І не таму, што яна саромеецца публікі. Дзяўчынка чатыры гады вывучае акцёрскае майстэрства - за плячыма героі з рознымі характарамі.
Рэпеціруюць пакуль без гледачоў. Прэм'еру запланавалі на святочныя велікодныя дні.
Тут – у музеі – захоўваюць галоўных герояў будучых спектакляў. На паліцах – некалькі дзясяткаў лялек, у тым ліку і марыянетак. Батлейка можа быць некалькіх відаў. Традыцыйны, дзе ўзгадваюць гісторыю Божага Нараджэння, і батлеечны тэатр, дзе выкарыстоўваюць сюжэты казак і дзіцячых апавяданняў.
Велікодным матывам прысвячаюць майстар-класы і рамеснікі. Напрыклад, расказваюць, як упрыгожыць кошык з пасхай сімвалічнымі фігуркамі.
Такі спосаб можна выкарыстаць і для ўпрыгажэння велікодных яек. Кулічы ж вернікі стараюцца спячы за сераду і чацвер, каб у пятніцу нічога не замінала малітве. Акрамя пышных булак з разынкамі, макам, цукатамі, гаспадыні выпякаюць пікантныя пернікі.
У кожнай гаспадыні свой рэцэпт велікодных пачастункаў. Але ўсе згодныя з тым, што галоўнае ў святочных стравах - не інгрэдыенты. Менавіта асвячэнне ежы робіць яе такой смачнай.