Гэта амаль 100 тысяч чалавек. Менавіта яны засцерагаюць, захоўваюць і павялічваюць прыродныя багацці нашай краіны.
Новы цяплічны комплекс адкрыўся пад Мінскам
Зусім нядаўна ў Мінскім раёне адкрыўся лесанасенны комплекс. Новы цяплічны аб'ект здольны аднавіць каля 800 гектараў лесу. На тэрыторыі плошчай 20 гектараў ёсць вытворчыя памяшканні, халадзільныя камеры, лінія ўпакоўкі, цяпліцы і палі дарошчвання адкрытага тыпу. Прагрэсіўныя тэхналогіі, што прымяняюцца ў цэнтры, дазваляюць вырасціць больш устойлівыя да ўмоў надвор’я расліны.
Уладзіслаў Цецяронак, дырэктар Рэспубліканскага ляснога селекцыйна-насенняводчага цэнтра: "Тэмпература ў цяпліцы, святло ў цяпліцы, вентылятары і цеплагенератары завязаны пад адну метэастанцыю, якая за кошт вылічэнняў, сваім розумам вылічвае аптымальны рэжым, які наладжаны зноў жа людзьмі і падтрымлівае мікраклімат для добрага росту і развіцця раслін".
Новы цяплічны комплекс - самы буйны ў рэспубліцы. За год тут плануюць вырошчваць каля 12 мільёнаў сеянцаў хвоі і елкі з закрытай каранёвай сістэмай.
