У Авальнай зале чакаюць віцэ-прэм'ера Ігара Ляшэнку. У Кабінеце міністраў за ім - прамысловая вытворчасць і энергетыка. Дэпутаты, напэўна, спытаюць і пра вынікі працы ў нафтагазавай сферы. І сёння ж парламент закрые вясновую сесію - плануецца разгледзець шэраг законапраектаў.
У прыватнасці, аб амністыі ў сувязі з 75-годдзем вызвалення Беларусі ад нямецка-фашысцкіх захопнікаў. Дакумент прапаноўвае вызваліць асоб, якія ўчынілі няцяжкія злачынствы. Асобным катэгорыям асуджаных прадугледжана скарачэнне тэрмінаў адбывання пакарання. Другога чытання чакаюць і папраўкі ў правілы прызыву ў армію, адобраныя дэпутатамі ў першым чытанні напярэдадні.
Сёння ўрад адкажа на пытанні парламентарыяў
28 июня 2019