Напярэдадні гэтая тэрыторыя, а разам з ёй і горад Гродна, згодна з указам Прэзідэнта, адкрыліся для замежных турыстаў. З гэтага часу і да канца наступнага года на працягу пяці дзён турыстам у бязвізавым рэжыме можна разглядаць гістарычныя замкі, гуляць па старых вуліцах або адпачываць у аграсядзібе. Дарэчы, першай, хто наведаў Аўгустоўскі канал у яго новым статусе, стала дэлегацыя Подляскага ваяводства. З падрабязнасцямі - Дзмітрый Смірноў.
У дакуменце, па якім маршалак Падляскага ваяводства перайшоў сёння беларуска-польскую мяжу, сапраўды стаіць лічба адзін. Развадны мост на шлюзе Кужанец стаў дарогай паміж дзвюма краінамі. Прыехаць у Беларусь для іншаземцаў стала ў некалькі разоў прасцей. Трэба звязацца з тураператарам, на мяжы правераць дакументы і ніякіх чэргаў.
Сяргей Шумейка, прэс-сакратар Гродзенскай пагранічнай групы: "Замежныя грамадзяне падчас пагранічнага кантролю прад'яўляюць пашпарт або іншы дакумент, які дае права на перасячэнне мяжы, а таксама дакумент, што дае права на наведванне спецыяльнага турысцка-рэкрэацыйнага парку "Аўгустоўскі канал".
Тэрыторыя без візы - гэта Аўгустоўскі канал і яшчэ 162 населеныя пункты, уключаючы сам Гродна. Прыехаць можна праз чатыры пункты пропуску, у тым ліку і з літоўскага боку.
Бязвізавы Аўгустоўскі канал - толькі пачатак вялікага турыстычнага праекта. У маі 2017 цяперашні водны пункт пропуску "Лясная-Рудаўка" пашырыць свае функцыі і будзе прымаць пешых і веласіпедных турыстаў.
Міжнародная працэдура, якая афіцыйна дазволіць турыстам не толькі пераплысці мяжу на байдарцы, але і праехаць на веласіпедзе, ужо запушчана. Аднак у планах зрабіць Гродзенскі раён не проста прывабным для іншаземцаўў, але і зручным, ад вады паднімаюцца яшчэ і ў паветра.
Канец кастрычніка не сезон для актыўнага адпачынку. Эксперты зараз будуць вывучаць цікавасць да бязвізавага праекта з абодвух бакоў.
Яраслаў Ксёнжак, генеральны консул Польшчы ў Гродне: "Па першых званках і першых прыкметах - гэта вельмі цікава. А вопыт пакажа, як гэта будзе ў будучыні. Пакуль ведаем, што Падляскае ваяводства вельмі зацікаўлена. Думаю, што калі пачнецца турыстычны сезон, будзе больш зацікаўленых людзей з іншых ваяводстваў".
Фразы пра будучы сезон і стварэнне прадавальнага турыстычнага прадукту гучалі сёння і на польскай, і на рускай мовах. Эксперты ўпэўнены, самае актуальнае пытанне на канале пасля адкрыцця бязвізавага руху - зараз запусціць і эканоміку на маршруце.
Размова аб індывідуальных турыстах, якія плануюць свае падарожжы самі. Такіх з кожным годам усё больш. І калі частка Аўгустоўскага канала з беларускага боку ўжо адкрыта для іншаземцаў, то суседзі гэта пытанне яшчэ прапрацоўваюць.
Ежы Ляшчынскі, маршалак Падляскага ваяводства, Польшча: "Як ваяводства, мы б гэтага хацелі. Але варта памятаць, што мы знаходзімся ў Еўрапейскім саюзе, і існуе шэраг абмежаванняў, што тычыцца бязвізавага руху. Аднак, я думаю, у будучыні гэта можа быць магчыма. Мы вядзём гутаркі з нашымі дыпламатычнымі службамі, гэта ўжо іх і МЗС праца".
Дарэчы, візіт польскай дэлегацыі быў не толькі турыстычным. Сёння ў Гродне адкрыўся інфацэнтр Падляскага ваяводства, адбылося падпісанне пагаднення аб двухбаковым супрацоўніцтве.
