Гэта значыць, што банкі будуць атрымліваць больш поўную і праўдзівую інфармацыю аб крэдытаздольнасці атрымальнікаў пазык. Як адзначыў намеснік старшыні праўлення Нацбанка Дзмітрый Лапко, навацыі прывядуць да зніжэння крэдытных рызык і павысяць фінансавую стабільнасць краіны. Спіс крыніц крэдытных гісторый папоўняць мікрафінансавыя і лізінгавыя кампаніі, а таксама Банк развіцця. Новы дакумент павышае празрыстасць адносін паміж крэдыторам і крэдытаатрымальнікам.
Дзмітрый Лапко, намеснік старшыні праўлення Нацбанка Беларусі: "Калі банкі будуць адэкватна ацэньваць свае рызыкі, гэта добра для грамадскасці і для ўкладчыкаў, таму што яны бяруць грошы і карыстаюцца грошамі ўкладчыкаў. Калі крэдытаатрымальнік бярэ грошы, ён павінен дакладна разумець, зможа ён іх вярнуць ці не, каб не было імгненных пакупак, імгненных захапленняў. Наогул у сусветнай практыцы лічыцца, што ў чалавека выдаткі не павінны перавышаць 50 працэнтаў абслугоўвання ўсіх сваіх пазыковых абавязацельстваў. І 50 працэнтаў павінна заставацца на жыццё, камунальныя і гэтак далей".
Згодна з прынятым дакументам, тэрмін дзеяння крэдытнай гісторыі - 5 гадоў. Пасля гэтага ўсе звесткі абнуляюцца.
