Ілья Цвяткоў высветліў, калі ж чакаць першы мёд.
Сяргей Гайчук працуе на пчальніку ўжо больш за 7 гадоў. Развядзенне працавітых насякомых стала справай яго жыцця. Сёлета да збору першага мёду пчаліны запаведнік у Вілейскім раёне падрыхтавалі загадзя.
Пчаліныя вуллі аглядаюць штодзень
Асаблівы догляд і паласатых рупліўцаў. Каб яны не хварэлі, домікі ўцяпляюць і дадаюць вітаміны. Моцнага ветру і нізкіх тэмператур пчолы не любяць - перастаюць вылятаць у поле. Але пры правільным падыходзе вынік у выглядзе бурштынавага ласунку можна атрымаць і пры такіх умовах надвор'я. Падрыхтавалі і неабходнае абсталяванне - рамкі і медагонны апарат. Тры гады таму перайшлі на электронны варыянт - такая медагонка дазваляе атрымліваць карысны прадукт у два разы хутчэй. У мінулым сезоне ў Вілейскім раёне нарыхтавалі больш за 2 тоны мёду - па 27 кілаграмаў з аднаго вулля. Сёлета пчаляры плануюць паставіць новы рэкорд.
