Гарачы подых вясны. Сёння можа быць пабіты тэмпературны рэкорд стагоддзя. Сіноптыкі прагназуюць да плюс 30! 30 мая 1917 года слупкі тэрмометраў спыніліся на адзнацы ў 28,8 градусаў. На сёння аб'яўлены аранжавы ўзровень небяспекі. Знаходжанне на адкрытым сонцы можа пагражаць здароўю. Каб пазбегнуць апёкаў альбо сонечнага ўдару, медыкі раяць зменшыць час знаходжання пад пякучымі промнямі, апранаць галаўныя ўборы і светлае адзенне з натуральных тканін.
Паводле папярэдніх прагнозаў, спякота спадзе ўжо заўтра. Днём слупкі тэрмометраў пакажуць да 24 градусаў, у чацвер не больш за 22 цяпла.
