Зараз там знаходзіцца Іна Пілевіч.
Абстаноўка ў павільёне "Беларусьфільма" максімальна набліжана да ўмоў прамога эфіру. Гэтымі хвілінамі праходзіць генеральны прагон выніковага гала-канцэрта нацыянальнага адбору на "Еўрабачанне-2020". Усё згодна з таймінгам і сцэнарыем. Без права на прыпынкі і праўкі. Шоу адкрывае харэаграфічны пралог.
Гэтымі хвілінамі ідзе генеральны прагон шоу
Далей удзельнікі з'яўляюцца на сцэне ў тым парадку, які быў вызначаны шляхам жараб'ёўкі. Кожны нумар папярэджваюць відэавізітоўкі. І за гэты кароткі перыяд артыстам трэба паспець выйсці на сцэну, а іх камандам вынесці рэквізіт. А гэта ў некаторых выпадках няпростая задача. У некаторых нумарах задзейнічана вялікая колькасць інструментаў, прысутнічае канапа і нават паўтараметровы подыум, на які залазіць выканаўца. Таксама канкурсанты будуць здзіўляць маляўнічай графікай, аўтарскай харэаграфіяй і дызайнерскімі касцюмамі.
На пуцёўку ў Ратэрдам прэтэндуюць 12 выканаўцаў
Нагадаем, у фінале 12 прэтэндэнтаў. Сярод іх як калектывы, так і салісты. Яны праспяюць на беларускай і англійскай мовах. Ёсць кампазіцыя і зусім без слоў. Пазнаёміцца з удзельнікамі бліжэй дапамагаюць вядучыя.
Вядучыя шоу - Яўген Перлін і Хелена Мерааі
У гэтым сезоне асобамі шоу сталі каментатар "Еўрабачання" Яўген Перлін і прадстаўніца нашай краіны на дзіцячым песенным конкурсе ў Грузіі Хелена Мерааі.
Сёння фінал нацадбору на "Еўрабачанне-2020"
Сцэна ў гэтым сезоне праекта здзіўляе сваёй формай - адразу дзве круглыя пляцоўкі. Яны злучаныя подыумам. На сцэне знаходзіцца і кабінет журы. Хто ж у складзе судзейскай калегіі на гэты момант – пытанне, якое інтыгуе як фанатаў праекта, так і саміх удзельнікаў. Спіс журы зусім хутка будзе апублікаваны на афіцыйным тэлеграм-канале Агенцтва тэленавін - ATN_NEWS. Так што падпісвайцеся і даведаецеся першымі.
Балы фіналістам выставяць журы і гледачы
Балы фіналістам змогуць выставіць не толькі суддзі, але і гледачы. Галасаванне будзе адкрыта на 10 хвілін адразу пасля выступлення ўсіх удзельнікаў. Лідара галасавання ўжо чакае фірмовая статуэтка праекта - стылізаванае еўравізійнае сэрца было дастаўлена напярэдадні. Ну, і вядома, галоўны прыз - магчымасць выканаць свой хіт на біс у фінале шоу і адправіцца на конкурс у Ратэрдам.
