Сёння днём слупкі тэрмометраў апусцяцца да мінус 20-ці

6 января 2017

Цыклон "Аксель", які прынёс моцныя  снегапады ў Беларусь, ужо сёння перамесціцца на тэрыторыю Расіі.  

Да такіх капрызаў прыроды нашы аварыйныя і камунальныя службы апынуліся гатовыя. Снегапрыбіральная тэхніка працавала ва ўзмоцненым рэжыме.

Супрацоўнікі ДАІ дапамаглі больш як тромстам  вадзіцелям, якія трапілі ў складаную сітуацыю на дарозе. Да непагадзі напярэдадні дадаліся і маразы з моцным ветрам, а ў найбліжэйшыя дні  слупкі тэрмометраў будуць апускацца ўсё ніжэй.

Дзмітрый Рабаў, начальнік cлужбы Рэспубліканскага цэнтра па гідраметэаралогіі: "Тэмпература паветра будзе складаць 20-27, па паўночным захадзе 28-32 градусаў марозу, днём  дзесьці ў сярэднім будзе 20 градусаў. Такое надвор'е захаваецца і ў пачатку наступнага тыдня. Паступовае аслабленне маразоў -   толькі ў сярэдзіне наступнага тыдня. Там ужо ў начныя гадзіны будзе ад 7 да 14-ці марозу".

Аранжавы ўзровень небяспекі і штармавое папярэджанне сіноптыкі аб’явілі  і на сёння. Невялікі снег чакаецца толькі ва ўсходніх раёнах Беларусі, аднак днём слупкі тэрмометраў апусцяцца да 20-ці градусаў са знакам мінус.