Іх праца і небяспечная і цяжкая
Менавіта яны ведаюць, як прайсці агонь і ваду. Сёння Дзень пажарнай службы адзначаюць у Беларусі. Напярэдадні свята беларускія ратавальнікі правялі паказальныя выступленні. Юныя пажарныя са Злучаных Штатаў, Еўропы і краін СНД убачылі, як працуюць сапраўдныя ратавальнікі ў асабліва складаных сітуацыях.
Уладзімір Каралёў назіраў за тым, што адбываецца.
6 тысяч выратаваных жыццяў за год. Гэта прыкладна насельніцтва Докшыц або Мядзела. Кожны выклік для гэтых людзей - сур'ёзная праца, часта спалучаная з рызыкай. Іх прафесія - ратаваць людзей. Тэхнагенныя аварыі, пажары або паводкі, стыхіі або катастрофы - гэта неад'емная частка іх працы. Там, дзе стыхія кідае выклік чалавеку, ратавальнікі заўсёды аказваюцца першымі.
Пакуль адны завалы разбіраюць, другія ўнутр падаюць паветра. Калі лік ідзе на секунды, памылак быць не павінна. Каб кожнае дзеянне ратавальнікаў было даведзена да аўтаматызму, на базах МНС праводзяць пастаянныя трэніроўкі. Спасцігаць асновы правілаў выратавання штогод у лагер МНС з'язджаюцца хлопцы з розных куткоў свету. За паказальнымі выступленнямі падраздзяленняў МНС назіраюць і падлеткі са Злучаных Штатаў, Еўропы і краін СНД.
Іх стыхіі - агонь, вада і паветра. Асаблівыя ўмовы вымушаюць ратавальнікаў працаваць і на асаблівай тэхніцы. Ліквідацыя лясных пажараў - адна з самых складаных задач. Скідванне 15 тон вады самы вялікі верталёт у свеце Мі-26 робіць на максімальна нізкай вышыні.
Сёння МНС - гэта тысячы людзей, гатовых выехаць на дапамогу ў любую хвіліну, пры любых умовах надвор'я. Выратаванне з вады або агню, ліквідацыя любых катаклізмаў і катастроф - гэта іх праца. У сярэднім кожны дзень у Беларусі фактычна дораць другі дзень нараджэння 16 чалавекам.
