Да Дня ратавальніка за прафесіяналізм, адвагу і адданасць справе лепшых супрацоўнікаў Мінскага абласнога ўпраўлення Міністэрства па надзвычайных сітуацыях сёння адзначылі ганаровымі медалямі, граматамі і падзякамі. Лейтэнанты, прапаршчыкі і маёры віншаванні прымалі ад кіраўніцтва і партнёраў. За 20 гадоў у цэнтральным рэгіёне ратавальнікі патушылі больш за 38 тысяч пажараў, выратавалі з агню 7 тысяч чалавек і захавалі ад стыхіі 45 тысяч будынкаў.
Для папярэджання надзвычайных сітуацый у вобласці адкрываюцца шматфункцыянальныя класы і цэнтры бяспекі. У найбліжэйшы час такія праекты рэалізуюць ў сталіцы і Барысаўскім раёне.
