Брэсцкая кампанія "Санта Брэмар" знізіла адпускныя цэны на ўсю прадукцыю ад 5 да 22%.
З чым звязана такое рашэнне беларускага вытворцы, высвятляла Вікторыя Патоня. Пяць цэхаў і штат больш за тры з паловай тысячы чалавек. Менавіта тут, у прыгранічным Брэсце, першымі на постсавецкай прасторы асвоілі выпуск прэсерваў у вакуумнай упакоўцы; распрацавалі ўласную ўнікальную тэхналогію вытворчасці ікры мойвы з мінімальнымі стратамі карысных рэчываў. У прыярытэце - пытанне якасці. Напрыклад, ласось сюды дастаўляюць з Нарвегіі выключна ў ахалоджаным выглядзе. Ды і на кожным этапе вытворчасці дэталёвы кантроль якасці.
Больш за 50% прадукцыі кампаніі трапляе на прылаўкі айчынных магазінаў. Тавары добра вядомыя не толькі ўнутры краіны, але і за яе межамі. Пакупнік выбірае іх за суадносіны цаны і якасці. Дарэчы, "Санта Брэмар" - гэта сусветны лідар па перапрацоўцы ікры і найбуйнейшы вытворца на прасторах СНД морапрадуктаў і рыбы.
Прадукцыю кампаніі ведаюць жыхары нават у такіх аддаленых пунктах, як Новая Зеландыя і Аўстралія. Беларускія спажыўцы гавораць: айчыннаму вытворцу давяраюць.
У красавіку кампанія "Санта Брэмар" знізіла цэны на сваю прадукцыю ад 5 да 22%. Спецыялісты гавораць, фарміраванне новых тэндэнцый на рынку не магло не адбіцца на цэнаўтварэнні.
Сяргей Нядбайлаў, дырэктар СП "Санта Брэмар": "Мы правялі шэраг перамоў з пастаўшчыкамі асноўнай сыравіны аб памяншэнні цэн. Мы аптымізавалі ўласныя выдаткі, гэтыя дзеянні дазволілі нам знізіць адпускныя цэны. Гэта прынцыповая пазіцыя нашай кампаніі. Мы лічым, што беларускі спажывец павінен мець магчымасць набыцця якасных і смачных прадуктаў харчавання".
Кампанія "Санта Брэмар" - адна з першых сярод айчынных вытворцаў знізіла адпускныя цэны на прадукцыю. Спецыялісты ўпэўнены, аналагічны крок у інтарэсах пакупнікоў зробяць і іншыя прадпрыемствы краіны, у тым ліку і аб'екты гандлю.
