Самы маляўнічы і маштабны салют жыхары і госці сталіцы змогуць назіраць ля стэлы "Мінск - горад-герой". Аб гэтым нам распавялі ў ваеннай камендатуры.
На працягу 10 хвілін прагучыць больш як сотня залпаў. Зарады паднімуцца ў неба на вышыню да паўкіламетра. Для гэтага нават прыходзіцца закрываць паветраную прастору над горадам да пэўнай вышыні, адзначылі ў камендатуры. Акрамя таго, сёння салют зазіхаціць новымі фарбамі. Але каб ацаніць відовішча - маштабна і бяспечна - неабходна выконваць і патрэбную дыстанцыю на адлегласці як мінімум 400 метраў.
Ігар Гурленя, старшы тэхнік патрульнай роты ваеннай камендатуры Узброеных Сіл Беларусі: "Гэта феерверачныя вырабы. У іх карпусы альбо кардонныя, альбо пластыкавыя, якія могуць падаць на зямлю і будуць падаць на зямлю. Таксама яшчэ могуць падаць недагарэўшыя зорачкі - астаткі феерверачных вырабаў. Таму пераканаўча просім вас не парушаць дыстанцыю бяспекі. Таксама рэкамендуем не знаходзіцца з зацішнага боку. Таму што ў залежнасці ад сілы ветру і кірунку ветру разлёт асколкаў павялічваецца".
Для правядзення салюту толькі ў Мінску задзейнічана каля двухсот вайскоўцаў.
