Самыя прыгожыя і любімыя - жанчыны прымаюць віншаванні з 8 Сакавіка

8 Сакавіка 2017

Сёння 8 Сакавіка - свята вясны і ўвагі да жанчыны, калі прадстаўнікі моцнай паловы чалавецтва могуць яшчэ раз пацешыць сваіх каханых і родных жанчын падарункамі і клопатам.

Гісторыю ўзнікнення свята прынята злучаць з імем Клары Цэткін. Яна заклікала ўсіх жанчын свету ўключыцца ў барацьбу за раўнапраўе. Сёння ж 8 Сакавіка ўспрымаецца як знак павагі і любові да лепшай паловы чалавецтва. Са святам беларускіх жанчын павіншаваў Прэзідэнт Аляксандр Лукашэнка: "Гэтае свята - даніна ўдзячнасці і павагі нашым маці, жонкам, дочкам, сяброўкам і калегам. Яно прыходзіць да нас з першымі днямі вясны як сімвал адраджэння прыроды, перамогі прыгажосці і дабра. Дзякуй за вашу жыццёвую мудрасць і працавітасць, высокі прафесіяналізм і выдатныя чалавечыя якасці".