Зрэшты, справе - час, але і аб адпачынку пара задумацца. У Мінску адкрылася выстава "Профтур-2018". Форум сабраў самыя гарачыя і цікавыя прапановы ад беларускіх і замежных тураператараў. Адпачынак у аграсядзібах і прамысловы турызм. Ёсць і навінкі - бюджэтныя туры на ўзбярэжжа Чорнага мора ў кампаніі з вядомым гідам. Асобна былі прадстаўлены і санаторна-курортныя паслугі прафсаюзных здраўніц. Членам прафсаюза сёлета далі скідку не толькі на пуцёўкі, але і на ўсе платныя медпаслугі. Топ самых цікавых турыстычных кірункаў склала Наталля Кузьміцкая.
Яшчэ ў эпоху Пушкіна і Лермантава лячэнне на водах лічылася панацэяй ад усіх хвароб. Сёння папраўляць здароўе модна не толькі на гарачых каўказскіх крыніцах, але і мінеральных ключах беларускіх здраўніц.
Прыродныя працэдуры дапаўняюць сучасныя апаратныя і касметалагічныя паслугі.
У санаторыях краіны сёння актыўна прымяняюць дыягнастычныя праграмы, дзякуючы якім вызначэнне дыягназу і падбор неабходнага лячэння праходзіць хутчэй у разы.
