Самалёт авіякампаніі "Белавія" вярнулі ў аэрапорт Кіева па патрабаванні СБУ

Пра гэта заявілі ў падраздзяленні дзяржпрадпрыемства па абслугоўванні паветранага руху "Украэрацэнтр". Рэйс Кіеў - Мінск напярэдадні разгарнулі ў паветры за 50 кіламетраў да ўваходжання ў паветраную прастору Беларусі. Камандзіру судна паступіў загад ад украінскага дыспетчара пра неадкладнае вяртанне ў аэрапорт Жуляны без тлумачэння якіх-небудзь прычын. Таксама было заяўлена, што ў выпадку невыканання каманды ў паветра будуць паднятыя знішчальнікі. Пасля таго як самалёт вярнуўся, праваахоўныя органы Украіны знялі з рэйса грамадзяніна Арменіі. Сам борт пасля дазапраўкі вылецеў у Мінск і прызямліўся а палове на шостую вечара. Дарэчы, затрыманага пасажыра праваахоўныя органы Украіны адпусцілі, і ён таксама вылецеў у Мінск іншым рэйсам. Зараз Белавія мае намер патрабаваць з ДП "Украэрарух" пакрыцця выдаткаў, звязаных з вяртаннем самалёта ў аэрапорт Жуляны.