Інавацыйны праект ўзведзены ў Мінску недалёка ад Уручча - у Новай Баравой. Ідэі архітэктарам і дызайнерам падказалі самі дзеці. Пры будаўніцтве выкарыстоўваліся экалагічныя матэрыялы і ноу-хау ў інтэр’еры. Надзея Сербіненка адной з першых убачыла дзіцячы сад новага фармату.
У Таццяны Юзефовіч трое дзяцей. Самая маленькая - дачка - пакуль яшчэ у люльцы, а вось сын Таццяны стаў адным з першых, хто пратэсціраваў новую групу інавацыйнага дзіцячага садка. Разам з дашкалятамі да ўсіх ноу-хау прыглядаюцца і бацькі. Першае, што заўважаюць госці, у кожнай групе ёсць другі паверх. Падняцца туды можна па лесвіцы, а для бяспекі дзяцей ён агароджаны сеткай.
Садок у Мінскім раёне - сумесны праект дарослых і дзяцей. Дашкаляты дапамагалі архітэктарам і дызайнерам - падказвалі ідэі запаўнення прасторы і смелыя інтэр'ерныя вырашэнні.
Дзіцячы сад разлічаны на 8 груп - у ім могуць займацца 150 дзяцей. Яшчэ у холе дзяцей і бацькоў сустракае сямімятровая жоўтая жырафа - сімвал садка, тут жа невялікі скаладром і сапраўдная горка, па якой можна спусціцца з другога паверха. Над экстэр'ерам і інтэр'ерам працавала група маладых беларускіх дызайнераў.
Інтэр'ер вытрыманы у скандынаўскім стылі, функцыянальнае прызначэнне, выхад на вуліцы - бавіць вольны час на свежым паветры.
Летам у кожнай групы будзе свой міні-агарод, дзе дзеці змогуць вырошчваць агародніну і кветкі. Хутка будынак з усёй інфраструктурай перададуць на баланс дзяржавы. І сад пачне сваю работу. Паралельна ў новым мікрараёне хуткімі тэмпамі ідзе будаўніцтва так званай школы будучыні - з амфітэатрам, крэатыўнай прасторай на даху, зонамі цішыні, басейнам і актавай залай - трансформерам. Амбіцыйны праект, разлічаны на тысячу вучняў, будзе рэалізаваны ў 2019 годзе.
