Пачатак па традыцыі палажылі ўскладаннем кветак да помнікаў баявой славы. Пасля гэтага прайшоў вялікі парад.
Пра ўсё больш падрабязна з Гродна наш спецыяльны карэспандэнт Дзмітрый Смірноў. У Гродне святкаванне 9 Мая па шматгадовай традыцыі пачалося з урачыстага парада. Узначалілі калону салдаты, перапранутыя ў форму тых франтавых гадоў. Ветэраны, многія з якіх памятаюць той першы парад Вялікай Перамогі, прызнаюцца, што і праз столькі гадоў такое відовішча не пакідае іх абыякавымі. Вобраз савецкага салдата ў плашч-палатцы, вядомыя яшчэ па ваеннай кінахроніцы пісталеты-кулямёты Шпагіна, мора кветак і крыкі ўра. Парад Перамогі ў Гродне атрымаўся не горш за той, што ў 45-м. Як мінімум па эмоцыях. Але каго асабліва прыемна бачыць героям той вайны сёння, дык гэта сваіх унукаў. Віншаванні ад самых маленькіх беларусаў сваім бабулям і дзядулям для апошніх усё роўна, што Зорка Героя ад генерала. 9 Мая, нягледзячы на ўсю сваю ўрачыстасць, усё ж застаецца тым самым святам са слязамі на вачах. Паводле апошніх звестак, у Гродзенскай вобласці відавочцаў тых ваенных гадоў засталося менш за 3000. А самаму маладому ветэрану зараз 87 гадоў.
