Ці быў эксперымент удалым, даведаемся з сюжэта Аляксандры Штэмплеўскай. Ідэя правесці акцыю нарадзілася на міжнародным кангрэсе рыбалоўнага спорту ў Сан-Марына. Адным з галоўных кірункаў сустрэчы як раз і была экалогія. У Еўропе выратаванне тапельцаў у смецці ўжо даўно справа рук саміх… адпачывальнікаў. Тым часам на Мінскім моры ўжо ў пачатку сезона выгляд ля берага такі, быццам напярэдадні тут адгрымела масавае гулянне. Прайшлі ўсяго паўтара кіламетра, а смецце ўжо дастае да бартоў прычэпа. Ёсць і адваротны бок. Сяргей, заядлы рыбак, толькі раніцай прачытаў аб акцыі на форуме. У абед - ужо на месцы. Сёння не з вудай, а з мяшком.
Усіх, хто праязджае або праходзіць міма, арганізатары акцыі таксама запрашаюць міма ўсё-такі не праходзіць. Большасць рыбакоў на ініцыятыву адгукаюцца. Прыбіраюць хаця б пляцоўку вакол сябе. Яны як ніхто ведаюць, смецце - першае, што псуе настрой ад доўгачаканай рыбалкі.
Вядома, ёсць і тыя, хто не рады прамяняць некалькі хвілін рыбалкі на непрадбачаную ўборку. Пераканаць не могуць нават калегі-рыбакі. А калі апанент яшчэ і пад градусам, пераконваць яго не мае сэнсу. Ды і не трэба. Хутка ўсе спрэчныя моманты вырашаць новыя правілы.
Арганізатары ўпэўненыя, экалагічную культуру проста трэба выхоўваць. Акцыя гэта толькі пацвярджае. У мерапрыемстве ўжо прынялі ўдзел без малога пяць тысяч чалавек, у суме чыстым бераг стаў на паласе амаль 800 кіламетраў.
Хто жадае паўдзельнічаць у акцыі, рыхтавацца спецыяльна не трэба. Галоўнае - жаданне і баявы настрой, бо працы шмат. А пальчаткі, мяшкі і іншы інвентар можна атрымаць бясплатна прама на месцы.
Уся акцыя арганізавана на грошы Таварыства паляўнічых і рыбаловаў. Сродкі сабраны за кошт узносаў удзельнікаў. Так што можна сказаць, што нават самыя пасіўныя карыстальнікі рэк і азёр, няхай ускосна, але прынялі ўдзел у акцыі.
