Супрацоўнікі МНС пачалі прафілактычныя рэйды, накіраваныя на зніжэнне іх колькасці. Акцыя “За бяспеку разам” працягнецца да 20 мая. Асаблівая ўвага падчас такіх праверак надаецца прыватнаму сектару: дамам з пячным абаграваннем і самаробнай праводкай.
У чарговы рэйд з выратавальнікамі адправілася Наталля Кузьміцкая.
Прафілактычныя рэйды МНС праводзіць два разы на год - у пачатку і пасля абагравальнага сезона. Асаблівая ўвага падчас такіх праверак надаецца неўладкаваным сем’ям і адзінокім пенсіянерам, якія праз сваю неасцярожнасць часцей за ўсё становяцца ахвярамі пажараў.
У хаце шматдзетнай маці Маргарыты Рулькевіч камісіі з горада - частыя госці. Пад пільным наглядам улад сям’я праз сваё сацыяльна небяспечнае становішча.
Нягледзячы на плюс за акном, гаспадыня паліць грубку. Сцены дома халодныя, таму абагравальны сезон працягнецца да лета. У хаце некалькі печак, да зімы гаспадары плануюць перакласці адну з іх.
Падчас акцыі “За бяспеку разам” ратаўнікі са спецыялістамі энерганагляду правяраюць праводку, абаграванне і пажарныя апавяшчальнікі. Даюць карысныя парады па эканоміі электраэнергіі.
Да Кацярыны Невяровіч раней ужо прыходзілі супрацоўнікі МНС. Амаль усе парушэнні гаспадыня выправіла.
З пачатку года ў вобласці зарэгістравана 502 пажары, на якіх загінулі 54 чалавекі. Асноўнымі прычынамі ўзнікнення надзвычайных сітуацый у жылым сектары па-ранейшаму застаецца неасцярожнае абыходжанне з агнём, парушэнне правілаў эксплуатацыі пячнога абагравання і электраабсталявання. Таму асноўная мэта прафілактычных рэйдаў МНС - зніжэнне колькасці такіх выпадкаў.
