У Жыткавіцкім раёне, побач з мостам цераз Прыпяць, які закрыты ў сувязі з аварыйнай сітуацыяй, плануецца ўсталяваць пантонную пераправу. Нагадаем, сёння ў МНС паступіла паведамленне ад відавочцаў, што ў канструкцыі моста з'явілася расколіна. Праезд перакрылі супрацоўнікі ДАІ, а спецыялісты МНС рассылалі SMS-абвесткі мясцовым жыхарам аб закрыцці моста. На дадзены момант рух тут дазволілі пешаходам, веласіпедыстам і легкавым аўтамабілям спецыяльнага і аператыўнага прызначэння. Для перамяшчэння транспарту грузападымальнасцю да 10 тон будзе арганізавана паромная пераправа ў суседнім, Петрыкаўскім раёне.
Сяргей Канакоў, галоўны інжынер РУП "Гомельаўтадар":
"Зараз арганізоўваецца рух па аб'езду штучнага будынка па рэспубліканскіх дарогах. Праінфармаваныя ўсе службы - ДАІ, МНС, арганізацыя аховы здароўя, газавая, міліцыя. Выкліканы НДІ з Мінска. Надалей будзем інфармаваць аб сітуацыі на мосце і руху".
І, як паведамілі нашаму каналу ў МНС, з Мінска выехала спецбрыгада для ўзвядзення пантоннай пераправы.
