Камісіі па разглядзе зваротаў грамадзян, якія датычацца выплаты збору па дэкрэце №3, працуюць сёння паводле графіка рабочага дня.
Прыёмы праводзіць кіраўніцтва Мінгарвыканкама, Мінгарсавета і адміністрацый раёнаў. У Кастрычніцкім з раніцы прынялі 5 чалавек. У асноўным людзі просяць растлумачыць, ці трапляюць яны ў катэгорыю неплацельшчыкаў збору. Усяго ў адміністрацыю раёна падалі больш за 100 пакетаў дакументаў. Кожны выпадак праглядаюць індывідуальна.
У Першамайскім раёне з раніцы ўжо прынялі 11 чалавек. Частка з іх прыйшлі па кансультацыю, хтосьці прынёс дакументы ў службу адно акно. Кансультуюць людзей першы намстаршыні кіраўніка адміністрацыі, а таксама галоўны фінансіст.
Нагадаем, што тэрмін выплаты збору працаздольнымі грамадзянамі, якія ў 2015 годзе не працавалі і, адпаведна, не выплачвалі падаткі і не ўдзельнічалі ў фінансаванні дзяржвыдаткаў, мінае 20 лютага.
