Рубрыка Капітал

У мінскіх таксі з'яўляецца Wi-Fi, а заплаціць за праезд можна пластыкавай карткай. Тым жа, хто аддае перавагу грамадскаму транспарту, таксама можна забыцца на класічныя талончыкі. Трамваі ўжо часткова перайшлі на новую сістэму аплаты праезду. На чарзе - аўтобусы і тралейбусы.

Пра транспартныя ноу-хау - Якаў Бута. Рубрыка Капітал.

Усе трамваі Мінска абсталявалі электроннымі кампостарамі. А ў аўтобусных і тралейбусных парках сталіцы ідзе паскораны мантаж новага абсталявання.
Усяго ў Мінску 134 трамваі. Старыя механічныя кампостары знялі за дзве ночы. Наступным этапам стане ўкараненне аўтаматызаванай сістэмы аплаты праезду. З першага лютага.

Наталля Клімковіч, першы намеснік дырэктара філіяла Агенцтва Мінсктранс: Аплата будзе ажыццяўляцца наступным чынам: прыкласці электронны аплатны дакумент. На табло з'яўляецца надпіс Аплачана. Пры паўторным - баланс.

Цэны на таксі ў найбліжэйшы час значна расці не будуць. Да чэмпіянату свету праезд падаражэе максімум на 10%.

Пра гэта сёння заявіў старшыня асацыяцыі Сталічнае таксі Ігар Верхавец падчас анлайн-канферэнцыі на сайце Белтэлерадыёкампаніі. Паводле яго слоў, цэны на рынку цяпер трымае жорсткая канкурэнцыя паміж перавозчыкамі.

Ігар Верхавец, старшыня асацыяцыі Сталічнае таксі, дырэктар службы таксі: Мы зараз возім амаль па сабекошце. Тарыфы даўно адсталі ад рэальных, якія павінны быць. Ніхто не хоча вырывацца наперад.

Акрамя таго, у большай колькасці аўтамабіляў можна разлічыцца пластыкавай карткай. І да чэмпіянату свету колькасць дадатковых паслуг прыкметна вырасце.
Ёсць машыны, у якія цэнтралізавана ставілі тэрміналы, некаторым банкі дапамагалі ўсталяваць. Да чэмпіянату колькасць павялічыцца. Ёсць і Wi-Fi, і шматлікія іншыя сучасныя паслугі.