Зеленое на бел Рэцыклінг - слова, якое ўсё часцей чуеш у Беларусі

На палігонах адходаў з'явяцца ўстаноўкі па сартаванні і перапрацоўцы смецця, а тару ад вады і напояў можна будзе вярнуць, атрымаўшы за гэта грошы. Экалогія і ператварэнне адходаў у прыбыткі - тэма, якая на тыдні загучала з новай сілай. Мы ўжо крыху  пагаварылі пра гэта. 

І, дарэчы, як зазначыў папулярны Telegram-канал, гэтае пытанне Аляксандр Лукашэнка ўзнімаў задоўга да з'яўлення Грэты Тунберг.

Зараз курс ужо на вынік: падтрыманы шэраг прапаноў урада. У прыватнасці, Прэзідэнт падпісаў указ, які дае шэраг прэферэнцый прадпрыемствам і бізнесу па выкарыстанні другасных рэсурсаў і стварае ўмовы для актывізацыі перапрацоўкі. Аляксандр Лукашэнка таксама падтрымаў ідэю ўкаранення дэпазітна-закладной сістэмы - праект указа датычыцца  тары для вады і напояў.

Такі падыход актыўна ўкараняецца ў Еўропе і прыносіць прыбытак, скарачаючы смеццевыя палігоны. Наш аглядальнік Алеся Высоцкая вывучыла, як гэта працуе ў суседзяў і вярнулася з Літвы, здзіўленая эфектам. Прычым не толькі эканамічным. Якімі вынаходлівымі могуць быць людзі,  даведаемся з рэпартажу.