За 7 дзён - 18 мільёнаў дрэў. У Беларусі працягваецца рэспубліканская акцыя "Тыдзень лесу". Да штодзённай работы леснікоў зараз далучаюцца актыўныя жыхары краіны. Расаду і інвентар раздаюць у лясгасах. Сёння ў нашых лясах пераважаюць іглічныя пароды - гэта елка і хвоя. У 2020 годзе стаўку зробяць на цвёрдаліставыя: дуб, вольху і бярозу.
Валянцін Шатраўка, першы намміністра лясной гаспадаркі Беларусі: "Па 2020 году стаіць задача стварыць лясных культур цвёрдаліставых парод не меней за 11,5 % ад аб'ёму агульнага стварэння лясных культур. Гэтая лічба даволі значная ў параўнанні з мінулым годам, у якім мы стварылі каля 6 %".
Тыдзень лесу сёлета прысвечаны малой радзіме і 75-годдзю Вялікай Перамогі.
Рэспубліканская акцыя "Тыдзень лесу". За 7 дзён высаджана 18 мільёнаў дрэў
1 апреля 2020