Не менш актыўна рэканструююць зараз магістраль Мінск - Віцебск ля пасёлка Плешчаніцы. Актуальная для аўтамабілістаў інфармацыя - у Аляксандры Кавеліч.
Траса М3 - адна з самых загружаных у Мінскай вобласці, незалежна ад часу
Тут курсіруюць аўто ў кірунку латвійскіх і паўночных расійскіх гарадоў. А з-за складанага рэльефу, асабліва ля пасёлка Плешчаніцы, здарэнні на гэтай магістралі нярэдка траплялі ў дарожныя зводкі.Таму рэканструкцыя ўчастка ідзе асабліва аператыўна. Штодзень, калі дазваляе надвор'е, укладваюць да паўкіламетра бетоннага пакрыцця. Такі матэрыял больш даўгавечны, чым звычайны асфальт. Пры гэтым сам працэс даволі працаёмкі. Каб дарожнае палатно было максімальна роўным, выкарыстоўваюць тэхніку з сістэмай 3D-нівеліравання.
Гэта неабходна, каб знізіць рызыку ўзнікнення аварыйных сітуацый. Палатно з адмысловым малюнкам не будзе слізкім. А сама магістраль стане чатырохпалоснай, па дзве ў кожным напрамку, што таксама паспрыяе бяспецы. А таму дадаткова спатрэбілася будаўніцтва двух мастоў.