Гэта паведамілі падчас аператыўнага пасяджэння ў мэрыі. Парк сустрэне наведвальнікаў не толькі адноўленымі дарожкамі, лавачкамі і ліхтарамі, але і сучаснымі атракцыёнамі.
Антаніна Станкевіч прадоўжыць тэму.
Парк імя 900-годдзя пачалі рэканструяваць разам з будаўніцтвам Чыжоўка-Арэны. І ўжо ў лістападзе ў жыхароў Заводскага раёна з'явіцца любімае месца для сямейнага адпачынку. Па задумцы праекціроўшчыкаў, тут з'явяцца веладарожка, 17 гандлёвых пунктаў. А да наступнага сезона дабавяцца яшчэ і дзевяць сучасных атракцыёнаў. Цэны абяцаюць дэмакратычныя.
А вось парк імя 50-годдзя Кастрычніка пакуль што чакае інвестара, а разам з ім і рэканструкцыю. Акрамя таго, тут плануюць пабудаваць і новае кафэ, спецыялісты ўжо амаль скончылі распрацоўку праекта. А каб мінчане ў чаканні інвестара не страцілі цікавасць да парку, спецыялісты таксама знайшлі выйсце з сітуацыі.
Каб паскорыць рэканструкцыю і будаўніцтва самых значных аб'ектаў, на дапамогу прыйдуць студэнты. Ужо сёння на аб'ектах працуюць больш за 2 тысячы студэнтаў. Да канца працоўнага семестра на дапамогу прыйдуць яшчэ каля тысячы маладых людзей. Усіх ахвотнікаў працаўладкуюць без праблем - у базе даных для студэнтаў ёсць каля 2 тысяч вакансій.
Прымаць у студатрады будуць яшчэ як мінімум месяц. Гібкі графік спецыяльна распрацавалі з улікам летняй практыкі і позніх сесій. Так што папрацаваць ў будаўнічых, сэрвісных, экалагічных ці педагагічных атрадах зможа кожны - было б жаданне.
