Рэканструкцыя Мінскай кальцавой дарогі працягваецца

Дарожныя службы абмежавалі рух на 11-м кіламетры МКАД, ля з'езду на вуліцу Машынабудаўнікоў. Для больш зручнага аб'езду арганізаваны дзве паўнацэнныя паласы ў абодвух напрамках, каб павялічыць прапускную здольнасць. Пакуль рамонтныя работы вядуцца на вонкавым участку кальцавой.

Паралельна работы пачаліся і на пуцеправодзе цераз вуліцу Чыгуначную ў Мінску. Аднаўленне будзе капітальным. Замене падлягае большая частка апорных элементаў.