Развіццё адукацыі абмяркоўвалася на сустрэчы губернатара Мінскай вобласці з педагогамі

Як прыцягнуць маладых спецыялістаў да працы ў малых гарадах і раскрыць патэнцыял кожнага адоранага вучня?  Гэта толькі частка пытанняў, якія абмяркоўвалі сёння ў аблвыканкаме  падчас сустрэчы губернатара з педагогамі. Прадстаўнікі ўсіх раёнаў Мінскай вобласці змаглі задаць свае пытанні і ўзняць актуальныя тэмы - ад развіцця спартыўнай базы школ да лічбавізацыі адукацыі.

Закранулі таксама тэму будаўніцтва школ у густанаселеных раёнах. Так, навучальных аб'ектаў на карце вобласці хутка стане больш. Зараз узводзяць школы у Калодзішчах, Стоўбцах і Смалявічах.