Інвестыцыі ў будучыню – сёння развіццё экалагічных відаў транспарту ў сталіцы атрымала новы імпульс. Зацікаўленасць у тым, каб перасесці на электракары, выказваюць усё больш мінчан, а ўжо вясной на сталічных вуліцах з'явіцца і сэрвіс "зялёнага таксі". Кошт праезду будзе ўдвая таннейшы. Адначасова будуць развіваць і станцыі экспрэс-зарадкі электракараў. Пры чым збіраць іх будуць пад Мінскам. Першую айчынную вонкавую "разетку" ўсталявалі на вуліцы Веры Харужай. Сёлета да яе далучацца яшчэ тры электразапраўкі.
Пра тое, як сталіца пераходзіць на «зялёныя колы», раскажа Ян Пашкевіч. За два гады Андрэй Барысаў патраціў грошы на свой электракар толькі аднойчы - калі яго купляў. Машына не патрабуе замены масла, рамонту рухавіка, дарагога паліва. Яна нават стала памочнікам у дамашняй гаспадарцы.
Замест рухавіка пад капотам аўто хаваецца толькі невялікі электраматор на 16 кілават і літыевыя батарэі. Зарадзіць «бак» электракара каштуе каля 25 тысяч рублёў. У сярэднім поўнай батарэі хапае на 160 кіламетраў. Каб тройчы закіпяціць чайнік, спатрэбіцца больш энергіі, чым машыне за гадзіну язды.
Папоўніць электрабак такога "зялёнага аўто" можна ад звычайнай разеткі. На гэта спатрэбіцца каля 6 гадзін. З дапамогай жа спецыяльных станцый гэта можна зрабіць амаль утрая хутчэй. Дарэчы, такіх экалагічных заправак у горадзе 4.
Ужо сёлета колькасць вулічных экспрэс-разетак можа павялічыцца амаль удвая, пры гэтым новыя калонкі будуць айчыннай вытворчасці. Першую беларускую электразапраўку ўжо можна бясплатна пратэсціраваць на вуліцы Веры Харужай. Назіраць за ходам зарадкі гаспадар машыны зможа дыстанцыйна – праз Інтэрнэт.
А ўжо вясной "пазелянеюць" і сталічныя машыны таксі. Выйсці на маршруты гатовы пяць электракараў, у тым ліку і прэміум-класа. Камфортнае падарожжа на такім аўто будзе амаль удвая таннейшым.
Сёлета ўбачыць экатранспарт можна будзе і на некаторых турыстычных маршрутах. Экскурсійны электрааўтобус будзе курсіраваць па тэрыторыі палацава-паркавага комплексу ў Нясвіжы. Ініцыятарамі пераходу Беларусі да "зялёнай" эканомікі сталі Еўрапейскі саюз і Праграма развіцця ААН.
