Новую для Беларусі аўтаматычную сістэму, якая адлюстроўвае структуру глебы, распрацаваў аспірант БДУ. Аляксей Сазонаў займаецца стварэннем новай геаінфармацыйнай платформы. Гэта сукупнасць інтэрактыўных карт, па якіх можна вызначыць плошчу зямлі і перыметр зямельнага ўчастка. Новая платформа дапамагае высветліць якасць сельскагаспадарчых земляў, распрацоўку можна выкарыстоўваць пры прагназаванні ўраджайнасці. Новая платформа маладога навукоўца таксама дапамагае пры ацэнцы кошту зямлі.
Пакуль прааналізаваны карты 22 раёнаў Мінскай вобласці. Неўзабаве завершыцца аналіз яшчэ дзвюх абласцей.
